Implicadas Rotating Header Image

Sechu Sende

Se abres um livro
si, pode que nom gostes del.
Fécha-o!

E abre outro
e segue buscando.
Confia.
Como as mulheres
e os homes,
nom todos os livros som iguais.

Se abres um livro de poesia
coidado,
pode que nunca voltes ser @ mesm@.

Melhor.

Se abres um livro de pintura
pode que as formas dos teus sonhos cámbiem.

Se abres um livro de fotografia
aprenderás a deter o tempo.

Se abres um livro de banda desenhada
pode que apareza tua mai.

Se abres um livro de história
vai ser mais difícil que te enganem os tipos de traxe
que saem pola tv.

Se abres um livro de viages
poderás marchar a…

Se abres um livro sobre política
descobrirás por qué papá nom tinha raçom
aquel dia.

Se abres um livro de filosofia
pode que abras umha fábrica de ideias.

Se abres um livro sobre a natureza
talvez descubras o ouriço cacho
que vive no teu peito.

Se abres um livro de aventuras
pode que o teu corpo gere adrenalina,
se che dilatem as pupilas,
aumente o teu ritmo cardiaco,
o teu cerebro produza dopamina
e chegue a criar adicçom:
daquela estás perdid@.

Se abres um livro pode que aparezas tu.
Precisamente tu.
a gente que conheces,
e a que aínda nom conheces.

Se abres um livro pode que todo cámbie.

Se abres um livro pode que já nada siga igual.
___
*Na imaxe, Marilyn Monroe. Atopámola aquí.

Os comentarios están pechados.